«Կարդում ենք Թումանյան» նախագիծ
Մասնակիցներ՝ Արևմտյան դպրոց պարտեզի երկրորդ դասարանցիներ
Նախագծի տևողությունը՝ փետրվարի 6-մարտի 17
Նպատակը՝ ստեղծագործությունների միջոցով բացահայտում ու ճանաչում ենք Հ. Թումանյանին, թումանյանական ստեղծագործությունների միջոցով զարգացնում ենք սովորողների բանավոր և գրավոր խոսքը, վերլուծական, քննադատական մտածողությունը, ստեղծագործական երևակայությանը, անկաշկանդ արտահայտելու կարողությունը, իսկ արդյունքը` թումանյանական ընթերցարանների, ֆիլմերի, հեքիաթների ժողովածու ստեղծելը:
Խնդիրները՝
- Թումանյանի ստեղծագործությունների յուրացում (բերանացի)
- Թումանյանական մտքի, ստեղծագործության նորովի ուսումնասիրություն, անդրադարձ
- Ստեղծագործությունների ներկայացում, մեկնաբանություն, տարածում
- Համագործակցային աշխատանքների կազմակերպում, խրախուսում
Նյութերի ցանկ՝
- Կիկոսի մահը
- Անհաղթ աքլորը
- Ճամփորդները
- Անբան Հուռին
- Բարեկենդանը
- Չարի վերջը
- Սուտլիկ որսկանը
- Ծաղիկները
- Իրիկուն
Նախագծային թեմատիկ ուղղություններ՝
- Թումանյանը՝ մանկագիր
- Թումանյանը՝ հեքիաթագիր
- Թումանյանն ընտանիքում
- Թումանյանը՝ բանաստեղծ
- Իմ Թումանյանը
Խմբային աշխատանք — Սովորողները բաժանվում են պայմանական խմբերի։ Ընթերցում են Թումանյանի ստեղծագործություններից մեկը՝ Չարի վերջը։ Այդ ստեղծագործությունը բաժանում ենք հատվածների։ Ամեն խումբ paint ծրագրով նկարում է այդ հատվածը։ Հետո դերերով կարդում են։ Քննարկելիս մի խումը մեղադրում է բացասական հերոսին, մյուսը ՝ փորձում է արդարացնել։ Սովորողները պետք է կարողանան հիմնավոր փաստարկներով համոզել հակառակորդ թիմերին, որ իրենք իրավացի են: Այնուհետև ամեն խումբ ձայնագրում է ստեղծագործության իրեն բաժին հասած հատվածը: Այս մեթոդով ստեղծվում է թումանյանական ստեղծագործությունների աուդիոփաթեթ ։
Տեխնոլգիական աշխատանքներ — Թափոններով, կավով, պլաստիլինով, խմորով ստեղծում ենք թումանյանական հերոսների տիկնիկներին։
Թատրոն — Մնջախաղի, թաթիկ — տոտիկների, ստվերների, խամաճիկների միջոցով խաղում ենք Թումանյան ։
Ռոդարիական հնարքների կիրառում —Թումանյանի ստեղծագործություններից վերցնում ենք հատվածներ և այնպես դասավորում, որ ստացվի անսովոր, զարմանալի մի պատմություն կամ հեքիաթ:
- Ի՞նչ կլիներ, եթե …
- Ստեղծագործական երևակայության երկանդամություն.
Ստուգատեսի ընթացքում նախատեսվում են՝ դասարանական, խմբային, ընտանեկան նախագծեր
- Փետրվարի 6 – մարտի 17. ստուգատեսային աշխատանքների հրապարակում ուսումնական բլոգներում, կայքում
- Փետրվարի 14 – Ճամփորդություն դեպի Հենրիկ Մալյանի անվան թատրոն՝ դիտելու թումանյանական հեքիաթներով շիլափլավ։
- Մարտի 13-17. ստուգատեսի արդյունքների ամփոփում