Բլոգայի ուսուցման և բլոգավարության մասին շատ է խոսվում մեր կրթահամալիրում։ Ուզում եմ ներկայացնել իմ այս մեկ տարվա փորձը։Այս մեկ տարվա աշխատանքային փորձը ցույց տվեց, որ բլոգային ուսուցումն ունի բազմաթիվ առավելություններ: Փորձեմ ամփոփ ներկայացնել դրանք: Սովորողներն իրենց ուսումնական բլոգները բացում են երրորդ դասարանում: Ուսումնական գործընթացը դառնում է ստեղծական, հետաքրքիր և արդյունավետ։ Դառնում են էլ ավելի մեդիագետ։
Բլոգային ուսուցման առավելությունները․
- նյութի հասանելություն, համակարգվածություն
- բաց, թափանցիկ ուսուցում
- հեռավար ուսուցման հնարավորություն
- ուսումնական նյութեր ստեղծելու հնարավորություն
- խոսքի մշակման աշխատանքների իրակնացման հարթակ
- սովորողի անհատականության ներկայացման հարթակ
- ինքնաարտահայտման, սեփական նախագծերը ներկայացնելու հարթակ
- մեդիանյութերի, էլեկտրոնային ռեսուրսների, մեդիափաթեթների հարթակ
Նյութի հասանելություն, համակարգվածություն— Ամեն շաբաթ սովորողը դասավանդողի բլոգից տեղեկանում է իր այդ շաբաթվա ուսումնական ողջ գործընթացին։ Կապ չունի, թե սովորողը որտեղ է գտնվում, հիվանդ է, բացակայում է, արտերկրում է, նրան միշտ հասանելի է բլոգում տեղադրված նյութը՝ դասավանդողի հանձնարարություն, ինչպես նաև դասավանդողն է տեղյակ, թե սովորողը կատարել է իր հանձնարարած առաջադրանք:
Բաց, թափանցիկ ուսուցում-
Խոսքի մշակման աշխատանքների իրակնացման հարթակ
Ուսումնական գործընթացի ժամանակ ստեղծվում են ռադիոպատումներ, աուդիոհեքիաթներ, տեսադասեր, որոնք հրապարակվում են բլոգում։ Դասապրոցեսում պետք է կարևորել ու սովորեցնել, որ սեփական խոսքը պիտի դիմացինին հասկանալի լինի: Սովորողն այդպես մշակում է իր խոսքը, ձևավորում գրավոր և բանավոր արտահայտվելու ճիշտ ձևերը։ Բացի
որոշակի առաջադրանք կատարելուց, սովորողը նյութից ակամա վերցնում է լեզվական
կառույցներ, յուրացնում բառեր ու արտահայտություններ, որոնք հանդիսանում են
բառապաշարի հարստացման միջոց, որն էլ օգնում է բանավոր և գրավոր խոսքի ճիշտ
ձևավորմանը։
Ինքնաարտահայտման, սեփական նախագծերը ներկայացնելու հարթակ
Կան սովորողներ, որ խուսափում է ներկայացնել իր մտքերը`ամաչում են, կաշկանդվում: Իսկ բլոգը իրենց սեփական տարածքն է ու ինքնահարտահայտումը այստեղ ավելի հեշտ է լինում։
Սովորողներն իրենց ուսումնական բլոգները բացում են երրորդ դասարանում: Ուսումնական գործընթացը դառնում է ստեղծական, հետաքրքիր և արդյունավետ։ Բլոգը վարողի համար ներկայանալու և ներակայացնելու յուրահատուկ հարթակ է։ Սովորողը իր ուսումնական գործընթացի ժամանակ ստեղծում է նյութեր, որոնք հրապարակվում են նրա բլոգում։Առցանց ուսուցման արդյունավետ գործիք է: Ուսումնական բլոգը սովորող-դասավանդող-դպրոց-ծնող կապն ապահովող հարթակ է:
Գրավոր և բանավոր խոսքի զարգացման յուրահատուկ հարթակ
Հասանելի են ընկերներին և բոլորին, մեդիահմտությունների նոր աղբյուր, սովորողները բլոգը համարում են սեփական տարածք, ուրախ են, որ տիրապետում են բլոգն աշխատեցնելու մեդիագիտելիքներին։ Անհերքելի փաստ է, որ ծնողները ուշադրությամբ են հետևում իրենց երեխաների ուսումնական գործընթացին: Այդ գործընթացին հետևելը դառնում է հարմար ու դյուրին, եթե ուսուցումը բլոգային է: Ծնողը բացում է իր երեխայի, դասվարի, առարկայական դասավանդողի ուսումնական բլոգը և տեղեկանում է այդ օրվա ուսումնական գործընթացից, գալիք ուսումնական ճամփորդությունների և ուսմանը վերաբերող այլ բաների մասին: Սովորողների ուսումնական բլոգները նաև հնարավորություն են տալիս իրենց ծնողներին և ընտանիքի այլ անդամներին ընդգրկվելու ընտանեկան ուսումնական նախագծերում:
Բլոգը հրաշալի պահոց է. տարիներ հետո հաճելի կլինի թերթել բլոգի էջերը, նորից ու նորից ընթերցել հորինած հեքիաթները, վերհիշել ճամփորդական արկածները ընկերների, ուսուցիչների հետ:
Լուսինե Պետրոսյանի բլոգ 